Olongapo City gov’t, magpapadala ng 2 bus sa NCR para sa mga pauwing residente

Magpapadala ng dalawang bus sa Metro Manila ang lokal na pamahalaan ng Olongapo.

Ayon kay Mayor Rolen Paulino Jr., ipapadala ang dalawang bus sa National Capital Region (NCR) para sunduin ang ilang kaanak ng mga residente ng Olongapo.

Ipaparada aniya ang dalawang bus sa Camachile, Balintawak sa tapat ng Iglesia Ni Cristo bandang 6:00 ng gabi.

Nanawagan ang alkalde na tawagan na at i-text ang mga kaanak na gustong umuwi.

Narito ang numero ng bus na maaaring tawagan:
0922-800-2057

Magsisimula ang implementasyon ng community quarantine sa Metro Manila sa March 15 hanggang April 14.