Tiangge sa Greenhills Mall, pansamantalang isasara para sa disinfection

Pansamantalang isasara ang tiangge sa Greenhills Mall mula March 16 hanggang 19.

Sa abiso ng mall, ito ay para sa isasagawang sanitation procedure laban sa banta ng Coronavirus Disease (COVID-19).

Layon anila ng sanitation procedure na mabigyang proteksyon ang mga mamimili, tenant at empleyado ng mall.

Magbabalik naman ang operasyon ng tiangge sa March 20.

Muling hinikayat ng mall ang publiko na palakasin ang immune system at ugaliin ang paghuhugas ng kamay.