Social distancing, ipatutupad sa LRT-2

Ipatutupad ang social distancing o pagdistansya ng isang metro sa Light Rail Transit Line 2 (LRT-2).

Sa anunsiyo ng Light Rail Transit Authority (LRTA), layon nitong mapigilan ang paglaganap ng Coronavirus Disease o COVID-19.

Ipatutupad ang social distancing sa loob ng mga tren at istasyon.

Bahagi rin anila ito ng pagtalima sa direktiba ni Pangulong Rodrigo Duterte habang hinihintay ang panuntunan na ilalabas ng Department of Transportation (DOTr).

Hiniling naman ng LRTA sa kanilang mga pasahero ang kooperasyon at pang-unawa para maiwasan ang pagkalat ng sakit.