COVID-19 patient sa San Juan nagtangkang tumakas sa ospital

Isang pasyente sa San Juan na kumpirmadong may COVID-19 ang nagtangkang tumakas sa ospital.

Tinangka ng babaeng pasyente na takasan ang mga police escort niya at sumakay sa kaniyang kotse.

Pero nagawa naman siyang mahabol ng mga pulis at nakumbinseng magpa-admit na sa ospital matapos ang dalawang oras na pakiusapan.

Ayon kay San Juan City Mayor Francis Zamora, nang malaman ng babae na positibo ang resulta ng kaniyang COVID-19 test ay siya ang pumili ng ospital kung saan siya magpapa-admit.

Pero hindi siya na-accommodate sa pinili niyang ospital kaya sinamahan siya ng local health officials at ng mga pulis sa ibang pagamutan.

Ani Zamora, sasailalim sa 14 na araw na quarantine ang mga pulis na nag-escort sa babae.