Global death toll ng COVID-19 umakyat na sa 4,633

Umakyat na sa 4,633 ang bilang ng mga nasawi sa iba’t ibang mga bansa at teritoryo sa mundo dahil sa COVID-19.

Sa nasabing bilang, 3,169 ay mula sa China na nakapagtala ng 11 bilang ng nasawi sa nakalipas na magdamag.

Malaki ang nadagdag sa mga nasawi sa Italy na nakapagtala ng 196 deaths dahilan para umabot na sa 827 ang bilang ng nasawi doon.

Ang Iran ay mayroon nang 345 na bilang ng nasawi, habang ang South Korea ay mayroong 66 na nasawi.

May mga naitala ding bagong nasawi sa magdamag sa France, Spain, Germany, USA, Switzerland, Japan, Netherlands, UK, Belgium, Lebanon, at Pilipinas.