Pasok sa mga tanggapan ng LTFRB suspendido bukas

Nagsuspinde ng pasok sa trabaho sa lahat ng tanggapan ng Land Transportation Franchising and Regulatory Board bukas, Biyernes, March 13.

Bahagi ito ng precautionary safety measure laban sa paglaganap ng COVID-19.

Sa abiso ng LTFRB, walang pasok sa kanilang Central Office sa Quezon City,LTFRB-NCR, at lahat ng Regional Franchising Regulatory Offices bukas.

Lahat ng official government transactions na may kaugnayan sa LTFRB ay sa Lunes na ipoproseso.

Kasabay nito hinimok ng LTFRB ang lahat ng staff nila, stakeholders, operators, drivers, at ang riding public na panatilihin ang pangangalaga sa personal hygiene.