Denmark nagpatupad na rin ng lockdown dahil sa COVID-19

Nagpatupad na ng lockdown sa bansang Denmark dahil sa COVID-19.

Wala pang naitatalang nasawi sa Denmark dahil sa sakit pero umabot na sa 514 ang bilang ng tinamaan ng COVID-19 sa nasabing bansa.

Iniutos ni Denmark Prime Minister Mette Frederiksen, ang pagsasara ng lahat ng paaralan mula sa mga kindergarten hanggang sa mga unibersidad.

Hinimok ang mga pribadong sektor na magpatupad na lamang ng work from home sa kanilang mga empleyado.

Ipinagbawal na rin ang pagdaraos ng lahat ng uri ng indoor events na mayroong 100 o higit pa na dadalo.

Ang Denmark ang ikalawang bansa sa Europa na nagpatupad ng lockdown dahil sa COVID-19.