PBA kinansela na ang lahat ng laro dahil sa COVID-19

Kinansela na ng Philippine Basketball Association (PBA) ang lahat ng naka-schedule na game epektibo ngayong araw, March 11.

Ayon sa pahayag ng liga, nagdaos ng special meeting kagabi ang PBA Board of Governors at ito ang napagpasyahan.

Sakop ng kanselasyon ang lahat ng laro sa PBA Philippine Cup at PBA D-League Aspirants Cup pati na ang mga aktibidad sa inagurasyon ng PBA 3×3.

Ayon sa PBA, pangunahing concern nito ang kalusugan at kaligtasan ng PBA fans, mga manlalaro, teams, officials at staff.

Magsasagawa ng assessment ang liga hinggil sa epekto ng COVID-19 sa bansa batay sa mga alituntunin at abiso ng DOH at WHO.