Northern Luzon apektado ng Amihan; tail-end ng cold front magpapaulan sa ilang bahagi ng bansa

Amihan at Tail-end of a Cold Front ang binabantayang weather system ng PAGASA sa bansa.

Ayon sa weather forecast ng PAGASA, ngayong araw ang mga lalawigan ng Isabela, Quirino, Aurora, at Quezon ay makararanas ng maulap na papawirin ngayong araw na mayroong kalat-kalat na pag-ulan at thunderstorms dahil sa Tail End of a Cold Front.

Ang Cordillera Administrative Region, Ilocos Region, at nalalabi pang bahagi ng Cagayan Valley ay makararanas lamang ng mahihinang pag-ulan dahil sa amihan.

Habang ang Metro Manila at nalalabi pang bahagi ng bansa ay makararanas ng localized thunderstorms dahil sa easterlies.

Kaninang madaling araw, nakaranas na ng pag-ulan dulot ng thunderstorms ang ilang bahagi ng Metro Manila at mga kalapit nitong lalawigan.