Senator Grace Poe, gustong magkaroon ng libreng mobile alerts para sa COVID-19

Nais ni Senator Grace Poe na magkaroon ang Department of Health at NDRRMC ng libreng mobile alerts sa publiko kaugnay sa COVID-19.

Naghain ng resolusyon sa senado si Poe at sinabing sa ilalim ng RA 10639 o The Free Mobile Disaster Alerts Act ang mga cellphone service providers ay dapat libreng nagpapadala ng alerts kapag may kalamidad.

Dapat aniyang aplikable na ito sa kasalukuyang sitwasyon ng bansa dahil sa COVID-19 scare.

Mahalaga ani Poe na mabigyan ng sapat at tamang impormasyon ang publiko tungkol sa nasabing sakit.

Maiiwasan din ang mass hysteria kapag may tamang impormasyon na ipinadadala sa mga tao.