Mainit na panahon mararanasan pa rin sa malaking bahagi ng bansa ngayong araw

Aasahan pa rin ang mainit at maalinsangang panahon ngayong araw dahil sa easterlies na nakaaapekto sa buong bansa.

Ayon sa PAGASA, makararanas lamang ng pulo-pulong pag-ulan ngayong araw ang malaking bahagi ng bansa dahil sa localized thunderstorms.

Mainit na temperatura pa rin ang aasahan sa bansa ngayong araw.

Sa Metro Manila, inaasahang aabot sa 35 degrees Celsius ang pinakamataas na temperatura.

Wala namang inaasahang sama ng panahon na papasok sa bansa sa susunod na dalawa hanggang tatlong araw.