Magnitude 4.4 na lindol naitala sa Dolores, Eastern Samar

Niyanig ng magnitude 4.4 na lindol ang Dolores, Eastern Samar Lunes ng umaga.

Ayon sa Phivolcs, tumama ang lindol sa layong 49 kilometers Southeast ng Dolores bandang 7:39 ng umaga.

5 kilometers ang lalim ng lindol at tectonic ang origin.

Dahil dito, naitala ang instrumental intensities sa mga sumusunod na lugar:
Intensity 2 sa Borongan City
Intensity 1 sa Palo, Leyte

Wala namang naitalang pinsala sa lugar at wala ring inaasahang aftershocks matapos ang pagyanig.

Ito na ang ikaapat na may kalakasang pagyanig sa bayan ng Dolores ngayong araw.

Unang naitala ang magnitude 4.7 kaninang 1:04 ng madaling araw.

Na nasundan ng magnitude 3.1 at 4.4 kaninang 1:47 ng madaling araw at 2:03 ng madaling araw.