MRT-3, may handog na libreng sakay para sa mga kababaihan sa March 8

May handog na libreng sakay din para sa mga kababaihan ang Metro Rail Transit Line 3 (MRT-3).

Batay sa anunsiyo ng DOTr MRT-3, ito ay bilang pakikiisa sa selebrasyon ng National Women’s Month.

Libreng makakasakay ang mga kababaihan sa araw ng Linggo, March 8.

Ayon sa pamunuan ng MRT-3, magsisimula ang libreng sakay bandang 7:00 hanggang 9:00 ng umaga at mula 5:00 ng hapon hanggang 7:00 ng gabi.