Klase sa UST Angelicum College sinuspinde dahil sa bomb threat

Nagsuspinde ng klase ang UST Angelicum College sa Quezon City ngayong araw dahil sa bomb threat.

Sa abiso sa Facebook page ng eskwelahan, bilang safety precautions nagpatupad ng suspensyon ng klase.

Inabisuhan din ang mga magulang na sunduin ang kanilang mga anak sa Santo Domingo Church.

Ayon sa mga rumespondeng tauhan ng Quezon City police, sa social media at sa text message kumalat ang bomb threat.

Nang inspeksyunin ang pasilidad ay wala namang nakitang bomba sa paaralan.