Escalators sa Cubao at North Avenue station ng MRT-3, operational na

Operational na ang mga escalator sa dalawang istasyon ng Metro Rail Transit Line 3 (MRT-3).

Sa Facebook, ibinahagi ng DOTr MRT-3 ang video kung saan makikitang gumagana na ang escalators sa Cubao station (Northbound) at North Avenue station (Northbound).

Sinabi ng pamunuan ng MRT-3 na sa ngayon, 45 sa 46 escalators na ang fully-operational at maaari nang magamit ng mga commuter na sumasakay sa MRT-3.

Tiniyak din nito na patuloy ang pagsasaayos sa escalators katuwang ang Sumitomo-MHI-TESP.

Ang nasabing proyekto ay parte ng isinasagawang malawakang rehabilitasyon ng MRT-3.