2 pang Filipino, nag-positibo sa COVID-19 sa Singapore

Kinumpirma ng Department of Foreign Affairs (DFA) ang dalawa pang Filipino sa Singapore na nagpositibo sa Coronavirus Disease (COVID-19).

Ito ang ikalawa at ikatlong kaso ng Filipino na nagpositibo sa virus sa Singapore.

Ayon sa DFA, ang naturang mga Filipino ay naka-confine na sa health facilities sa Singapore.

Patuloy naman na tinututukan ng Philippine Embassy ang kanilang mga pangangailangan.

Una nang nakakuha ng clean bill of health ang unang Filipinong na-discharge matapos magpositibo sa COVID-19 sa Singapore.