Misis ng drug suspect sa Cebu patay sa pananambang

Nasawi sa pananambang ang isang ginang na misis ng isang drug suspect sa Cebu.

Binaril sa loob ng isang bahay sa Sitio Kawid, Barangay Ermita ang biktimang si Ediliza Andrino, 45 anyos, Mieyrkules (March 4) ng madaling araw.

Ayon kay police Corporal Christopher Segovia ng Carbon Police, nagtamo ang biktima ng tama ng bala ng baril sa kaniyang ulo.

Hindi pa nakikilala ang suspek sa pananambang.

Hinihinalang may kaugnayan sa kalakaran ng ilegal na droga ang krimen.

Ang asawa kasi ng biktima at kanilang anak na lalaki ay kapwa nakakulong ngayon dahil sa illegal drug case.