Sa panayam ng Radyo Inquirer kay Department of Health (DOH) Asst. Sec. Maria Rosario Vergeire, ang nasabing bilang ng mga Pinoy crew ng cruise ship ay umuwi na ng Pilipinas matapos na maka-recover na at mag-negatibo na sa sakit.
Mayroon pang 19 na Pinoy crew na gumaling na rin sa COVID-19 ang nakatakda na ring umuwi sa Pilipinas anumang araw.
Habang ang iba pa ay nagpapagaling pa sa ospital at nagpapakita naman ng positibong pagtugon sa gamutan.
Una nang sinabi ng DOH na umabot sa 80 ang bilang ng mga Pinoy sa MV Diamond Princess ang nagpositibo sa COVID-19.
Tiniyak ng manning agency ng naturang mga Filipino seafarers na sila ay marere-employ at hindi mawawalan ng trabaho.