Nangyari ang pamamaril alas 6:15 ng umaga, at bago mag-alas 9:00 ng umaga nang dumating sa lugar ang SOCO para iproseso ang pinagbabaril na sasakyan.
Wala pang pahayag ang mga otoridad sa kung ano ang posibleng motibo sa pananambang.
Ayon sa driver ng aktres na si Wilfredo Taperla, wala silang natatanggap na anumang banta kaya blangko din siya kung ano ang dahilan ng pamamaril.
Mistulang sinadyang abangan ang van ng aktres sa kanto ng CP Garcia at Katipunan Avenue.
Habang nakahinto ang van ay dumikit ang riding in tandem at saka nagpaputok.
Anim na tama ng bala ng baril ang nakita sa sasakyan ng aktres.