86 na Pinoy sa labas ng bansa positibo sa COVID-19 – DOH

Umakyat na sa 86 ang bilang ng mga Pinoy sa labas ng bansa ang nagpositibo sa COVID-19.

Ayon sa Department of Health (DOH), sa nasabing bilang, 80 ay mula sa MV Diamond Princess.

64 sa kanila ay nagpapagaling pa sa ospital at 16 naman ang nakalabas na ng pagamutan.

Pawang maayos naman ang kondisyon ng mga nasa ospital pang Pinoy.

Ayon kay Health Assistant Secretary Maria Rosario Vergeire, mayroon namang tigda-dalawang Pinoy na positibo sa COVID-19 sa UAE, Hong Kong at Singapore.

Tiniyak ng pamahalaan na nakatutok ang mga embahada ng Pilipinas sa mga bansang may Pinoy na apektado ng sakit.