Mga kumpanya ng langis may mahigit P40 na rollback sa LPG

Epektibo na ngayong umaga ang rollback sa presyo ng Liquefied Petroleum Gas o LPG ng mga kumpanya ng langis.

Unang nagpatupad ng rollback na P3.90 sa kada kilo ng LPG ang mga kumpanyang Petron at Phoenix alas 12:01 ng madaling araw kanina (March 2).

Katumbas ito ng P42.90 na rollback sa bawalt 11-kilogram na tangke ng LPG.

Mayroon ding rollback na P2.20 sa kada litro ng autoLPG ang Petron at Phoenix.

Samantala, ang kumpanyang Solane naman, may rollback na P3.49 sa presyo ng kanilang LPG mula alas 6:00 ng umaga.

Katumbas ito ng P38.39 na bawas sa kada 11-kilogram na tangke ng LPG.