Ayon sa Cagayan Provincial Information Office, nangyari ang insidente sa bahagi ng Ilog Cagayan sa Barangay Juaquin del Cruz pasado 12:00 ng tanghali.
Kinilala ang mga biktima na sina Loriebeth Ruato, 14-anyos; Jenny Dela Cruz, 14-anyos; Ireen Tubol, 16-anyos; Mae Tubol, 13-anyos; at Bernadette Daet, 14-anyos.
Samantala, nakaligtas naman ang tatlong iba pa na sina Christine Mae Aquino, 14-anyos; Louries Ann Rielo 16-anyos; at Christine Joy Urbi, 14-anyos.
Batay sa imbestigasyon, nagkayayaan mag-picnic at maligo sa ilog ang magkakaibigan nang biglang mangyari ang insidente.
Patuloy namang nagpapagaling ang tatlong nakaligtas sa Cagayan Valley Medical Center.