Travel ban sa Japan, Italy at Iran pag-aaralan pa ng inter-agency task force

Pinag-aaralan ng pamahalaan ang posibilidad na pagpapatupad ng travel ban sa Japan, Italy at Iran kasunod ng mabilis na pagdami ng bilang ng kaso ng COVID-19 sa nasabing mga bansa.

Ayon kay Cabinet Sec. Karlo Nograles, nakatutok ang Inter-Agency Task Force for the Management of Emerging Infectious Disease sa sitwasyon sa tatlong mga bansa.

Sinabi ni Nograles na mabilis ang pagdami ng kaso ng COVID-19 lalo na sa Iran at Italy.

Mayroon nang 655 na kaso ng COVID-19 sa Italy at 17 ang nasawi.

Habang 245 ang kaso sa Iran at mayroong 26 na nasawi.