4 patay, 1 pa sugatan sa aksidente sa Quezon

Nasawi ang apat na katao sa aksidente na naganap sa kahabaan ng Maharlika Highway sa bayan ng Gumaca sa Quezon province.

Ayon kay Major Rodelio Calawit, hepe ng Gumaca, ang mga nasawi ay nakilalang sina Joseph Dumlao, 33 (driver); Rozalie, 35; Raquel, 42; at Rodolfo, 70, na pawang may apilyidong Soldevilla.

Sila ay residente ng Tabuk City sa Kalinga.

Malubha namang nasugatan si Roxanne Soldevilla, 25 anyos.

Sakay ng Mitsubishi Mirage ang mga biktima patungo ng Maynila nang makabanggaan ang kasalubong na cargo truck na minamaneho ni William Pelareja.

Nangyari ang aksidente sa Barangay Panikihan alas 4:30 ng madaling araw ng Biyernes (Feb. 28)

Hawak na ng mga otoridad ang driver ng truck at iniimbestigahan.