Bigtime drug pusher arestado sa Lucena City; P600K na halaga ng shabu nakumpiska

Arestado ang isang bigtime drug pusher sa ikinasang buy-bust operation sa Lucena City.

Nadakip ang suspek na si Raymart Ramos, 27 anyos sa Barangay Gulang-Gulang ala 1:50 ng madaling araw ng Biyernes, Feb. 28.

Ayon kay Lt. Col. Romulo Albacea, Lucena City Police, nakuhanan si Ramos ng 93.14 grams ng shabu na tinatayang aabot sa P633,352 ang halaga.

Si Ramos ay itinuturing na high-value target sa Lucena City na siya umanong nagsusuplay ng shabu sa lungsod at mga kalapit pang bayan.