Sa pagdinig ng House Committee on Transportation, sinabi ni DOTr Undersecretary Timothy John Batan na nakatakda nilang ilatag ang bagong plano ng pagtatayo ng train station sa Quezon Memorial Circle sa araw ng Biyernes, February 28, sa Quezon City government.
Magugunita na nagpalabas ng cease and desist order ang QC government sa pagpapagawa ng MRT station sa QC circle dahil sa pangamba na masira ang integridad ng heritage park.
Pero hindi naman kasama sa kautusan ang pagtatayo ng riles sa ilalim ng QMC.
Tiniyak naman ng QC government na agad babawiin ang cease and desist order sakaling magkaroon ng win-win solution sa usapin.
Sinabi rin ni Batan sa pagdinig na ang magastos din kapag naaantala ang proyekto ng gobyerno.