Sa ilalim ng joint resolution ni Cebu Rep. Raul del Mar, ie-extend ng Kongreso ang validity ng kasalukuyang franchise ng broadcast network hanggang June 30, 2022 o hanggang sa pagtatapos ng 18th Congress.
Sa ganitong paraan din ay matitiyak ang tuluy-tuloy na operasyon ng Lopez-led company habang dinidinig din ng Kongreso ang renewal ng franchise nito.
Nauna rito, araw ng Lunes (February 24), sinimulan ng House Committee on Legislatige Franchises ang proseso sa renewal ng franchise ng ABS-CBN kung saan bukas na sila sa pagtanggap ng mga position papers ng mga pro at anti sa ABS-CBN franchise renewal.
Ang paghahain ni del Mar ng joint resolution ay kasunod ng paghahain ni Senator Franklin Drilon ng panukala na nagbibigay sa Kamara ng sapat na panahon para talakayin ang ABS-CBN franchise.