Mga Pinoy na positibo sa COVID-19 sa MV Diamond Princess umabot na sa 80 – DOH

Umakyat na sa 80 ang bilang ng mg Pinoy na nagpositibo sa COVID-19 mula sa MV Diamond Princess

Kinumpirma ito ni Health Sec. Francisco Duque III sa panayam ng Radyo Inquirer.

Ayon kay Duque mula sa 59 ay nadagdagan pa ang bilang ng mga Pinoy na positibo sa sakit dahilan para umabot na sa 80 ang bilang.

Pawang mild naman aniya ang sintomas ng mga Pinoy at patuloy na binabantayan ang kanilang kondisyon.

Samantala, nananatili sa dalawang Pinoy ang nakumpirmang may COVID-19 sa UAE.

Ang isa sa kanila na 38 anyos ay masusuing binabantayan sa ospital dahil sa hindi magandang kondisyon.

Mayroon namang tig-isang Pinoy na positibo sa sakit sa Hong Kong at Singapore.

Sa kabuuan mayroong 84 na Pinoy na positibo sa COVID-19 apat na mga bansa.