Humarap sa pagdinig ng Senate committee on public services sina ABS-CBN chairman Martin Lopez, president at CEO Carlo Katigbak, at COO Ma. Socorro “Cory” Vidanes.
Present din sa pagdnig ang mga opisyal ng pamahalaan gaya ni Justice Secretary Menardo Guevarra, mga opisyal mula sa Securities and Exchange Commission, Bureau of Internal Revenue, Philippine Competition Commission, National Telecommunications Commission, at mga kinatawan mula sa iba pang organisasyon.
Maliban naman kay Senator Grace Poe, dumalo din ang iba pang kapwa niya senador na sina Senate President Pro Tempore Ralph Recto, Minority Leader Franklin Drilon, Senators Joel Villanueva, Sonny Angara, Manny Pacquiao, Nancy Binay, Francis Pangilinan, at Ronald “Bato” Dela Rosa.
Itinuloy ng senado ang pagdinig sa kabila ng pahayag ni House Speaker Alan Peter Cayetano na malalabag ang Saligang Batas kapag itinuloy ito ng senado.