Ikalawang kaso ng COVID-19 naitala sa Israel

Kinumpirma ng Israel ang ikalawang kaso ng coronavirus disease (COVID-19).

Ang pasyente ay pasahero ng MV Diamond Princess na isinailalim sa quarantine sa Japan.

Ayon sa health ministry office ng Israel, isinailalim na sa isolation ang pasyente.

Noong Biyernes ay inanunsyo ng Israel ang unang kaso ng COVID-19 na mula din sa MV Diamond Princess.

Bahagi sila ng 11 mamamayan ng Israel na inilikas sa Diamond Princess sa Japan matapos na mag-negatibo sa sakit base sa inisyal na pagsusuri.

Ang iba pang mga inilikas na pasahero ay isinailalim sa quarantine sa isang pagamutan sa Tel Aviv.