63 na Pinoy positibo sa COVID-19 sa iba’t ibang mga bansa

Aabot na sa 63 mga Pinoy ang positibo sa COVID-19 sa iba’t ibang mga bansa.

Sa panayam ng Radyo Inquirer sinabi ni Department of Health (DOH) Assistant Sec. Rosario Vergeire na umabot na sa 59 na Pinoy ang nagpositibo sa COVID-19 mula sa MV Diamond Princess

Mayroon namang dalawa sa Hong Kong at tig-isa sa Singapore.

Habang patuloy na bineberipika ng DOH ang ulat na isang Pinoy sa South Korea ang nagpositibo sa COVID-19.

Patuloy ang pagbabantay ng mga opisyal ng embahada at konsulada ng Pilipinas sa mga Pinoy na apektado ng sakit.

Nananatili namang walang Pinoy na tinamaan ng COVID-19 dito sa Pilipinas.

Ang tatlong naitalang kaso ng COVID-19 sa bansa ay pawang mga Chinese National.