3 pang Pinoy sa HK naka-quarantine dahil sa COVID-19

Tatlong Pinoy na lamang ang nananatiling naka-quarantine sa Hong Kong dahil sa coronavirus disease (COVID-19).

Ayon sa update mula sa Philippine Consulate Office sa Hong Kong, ang tatlo ay pawang maayos na ang kondisyon ay asymptomatic.

Inaasahang matatapos ang kanilang quarantine ngayong linggo.

Maliban sa kanila, mayroong tatlong nauna pang Pinoy na nakatapos na 14 day mandatory quarantine.

Samantala, ang isang Pinoy sa Hong Kong na nagpositibo sa COVID-19 ay negatibo na sa sakit.

Nananatili ito sa pagamutan at inaasahang makalalabas na rin ng ospital ngayong linggo.