21 Pinay na biktima ng human trafficking sa Dubai, nakatakdang dumating sa bansa ngayong araw

Makababalik na ng Pilipinas ngayong umaga ang 21 Pinay na biktima ng human trafficking sa Dubai UAE.

Lulan na ng eroplano ang 21 Pinay na umalis ng Dubai pasado alas 10:00 ng gabi ng Linggo.

Ayon sa Department of Foreign Affairs (DFA) inaasahang pasado alas 8:00 ng umaga ay darating sila sa NAIA.

Sinagot ng embahada ng Pilipinas sa Dubai ang ginastos ng mga Pinay para sa ticket sa eroplano, board and lodging, exit visas at immigration penalties.