Sundalo sugatan, kaniyang partner nasawi sa pamamaril sa Calbayog City

Sugatan ang isang sundalo habang nasawi naman ang kaniyang live-in partner sa insidente ng pamamaril sa Calbayog City.

Sina Corporal Edgar Lerois, 37, at Flora Bonayog, 30 ay binaril habang nasa loob ng kanilang “sari-sari” store sa Barangay Tarabucan, Oquendo District.

Isang suspek na lalaki ang namaril sa dalawa.

Nagtamo ng tama ng bala sa iba’t ibang bahagi ng katawan si Bonayog na kaniyang ikinsawi.

Tama naman ng bala sa kaniyang kanang braso at dinala sa Calbayog District Hospital.

Agad tumakas ang suspek matapos ang krimen.

Si Lerois ay nakatalaga sa 43rd Infantry Battalion sa Lope de Vega, Northern Samar.

Inaalam pa kung ano ang motibo sa pamamaril.