P2M halaga ng shabu nakumpiska sa tatlong lalaki sa QC

Aabot sa P2 milyon halaga ng ilegal na droga ang nakumpiska ng mga otoridad sa tatlong lalaki sa Quezon City.

Ikinasa ang buy-bust operation sa Barangay Sauyo Huwebes (Feb. 20) ng gabi.

Naaresto ang tricycle driver na si John Paul Santos, 31 anyos at dalawa pa na sina Way Ibañez, 29 anyos at Russel John Solero, 27 anyos.

Nakuha sa kanila ang nasa 300 gramo ng shabu na tinatayang aabot sa P2,040,000 ang halaga.

May nakumpiska rin na mobile phone, isang Chinese tea pack, at ang kotseng ginamit ng mga suspek.