Sa pahayag ni ABS-CBN CEO Carlo katigbak, sinabi nitong sa malilinawan din ang mga isyu hinggil sa kanilang prangkisa.
Tiniyak din nitong susunod sila sa legal na proseso.
‘Sa mga darating na araw, mabibigyan kami ng pagkakataong linawin ang mga isyu tungkol sa aming prangkisa. Wala po kaming nakikitang dahilan para hindi magtuloy ang paglilingkod ng ating ABS-CBN,” ayon kay Katigbak.
Ang pahayag ni Katigbak ay inilabas matapos ang news program ng ABS-CBN na TV Patrol kagabi.
Sinabi pa ni Katigbak na handa ang network na itama anuman ang kanilang mga pagkukulang.
“Gayun pa man, kami ay handang sumunod sa anumang proseso na dapat pagdaanan ayon sa batas,” he added. “Serbisyo po ang layunin ng ABS-CBN. Ngunit kami po ay hindi perpekto. Nagkakamali din po kami at handa po naming itama ang anumang pagkukulang. Kasama ito sa proseso ng pagiging isang mas matatag na kumpanya.” dagdag pa ni Katigbak.