Temperatura sa Baguio City muling bumagsak sa 10.4 degrees Celsius

Muling nakapagtala ng malamig na temperatura sa Baguio City, Huwebes (Feb. 20) ng umaga.

Ayon sa Civil Defense Cordillera base sa datos ng PAGASA Synoptic sa Baguio naitala ang 10.4 degrees Celsius sa lungsod alas 5:00 ng umaga.

Ito ay makaraang lumakas muli ang bugso ng Amihan.

Noong February 1 naitala ang pinakamalamig na temperatura sa Baguio City ngayong taon na umabot sa 10.2 degrees Celsius.

Sa kasaysayan, 6.3 degrees Celsius ang pinakamalamig na temperatura na naitala sa Baguio City at ito ay noong Jan. 18, 1961.