Columbio, Sultan Kudarat niyanig ng magnitude 3 na lindol

Niyanig ng magnitude 3.0 na lindol ang bayan ng Columbio sa Sultan Kudarat.

Naitala ang pagyanig sa layong 5 kilometers northeast ng Columbio alas 5:14 ng umaga ng Huwebes, February 20.

12 kilometers ang lalim ng lindol at tectonic ang origin nito.

Naitala ang sumusunod na Instrumental Intensities:

Intensity III -Kidapawan City
Intensity I – Malungon, Sarangani; Tupi at Koronadal City, South Cotabato

Hindi naman ito inaasahang magdudulot ng pinsala at aftershocks.