Bilang ng mga Pinoy na nagpositibo sa COVID-19 umakyat na sa 41

Umakyat na sa 41 ang bilang ng mga Pinoy mula sa Diamond Princess ang nagpositibo sa COVID-19.

Ito ay matapos na anim pang Pinoy na sakay ng naturang barko ang nakumpirmang positibo sa sakit.

Ayon kay Health Assistant Secretary Maria Rosario Vergeire, lahat ng nagpositibo ay pawang crew members.

Lahat sila ay dinala sa ospital at nagpapagaling.

Una nang tiniyak ng pamahalaan partikular ng embahada ng Pilipinas na mayroon silang makukuhang update araw-araw sa kondisyon ng mga nagpapagaling na Pinoy.