Chinese film director at 3 pang miyembro ng pamilya nasawi sa COVID-19

Nasawi ang isang Chinese film director at iba pang miyembro ng kaniyang pamilya dahil sa coronavirus disease (COVID-19).

Ang film director na si Chang Kai, 55 anyos na isa ring external communications officer at sa Hubei Film Studio ay pumanaw sa ospital noong Feb. 14 dahil sa COVID-19.

Maliban kay Chang, nasawi na rin sa COVID-19 ang kaniyang ama at ina at kaniyang kapatid.

Nabatid na si Chang at kaniyang kapatid na babae ang nag-alaga sa kanilang magulang nang maapektuhan ito ng COVID-19.

Infected na rin ng virus ang misis ni Chang at ngayon ay nagpapagaling sa intensive care unit.