Chinese na nandura ng pulis sa Maynila, nakakulong na sa BI

Hawak na ng Bureau of Immigration (BI) ang Chinese national na nandura sa isang pulis-Maynila.

Ayon kay Bureau of Immigration (BI) Commissioner Jaime Morente, nakakulong na ngayon ang 50 anyos na si Zhou Zhiyi sa detention facility ng BI sa Bicutan, Taguig City.

Ang dayuhan ay unang naaresto ng mga tauhan ng Manila Police District (MPD) matapos lumabag sa batas trapiko atat duraan pa ang pulis na sumita sa kaniya.

Nakatakda ding kasuhan ang dayuhan ng paglabag sa immigration laws dahil sa pagiging overstaying at pagiging undesirable alien.

Dumating ang dayuhan sa bansa bilang turista noong Nov. 11, 2019 kaya matagal nang paso ang 30-araw na pananatili nito sa bansa.