Political asylum sa dalawang bansa tinanggihan ni Trillanes

Dalawang bansa umano ang nag-alok ng asylum kay Senator Antonio Trillanes IV pero tinanggihan niya ito.

Ayon kay Trillanes desidido kasi siyang harapin ang mga kasong isinampa laban sa kaniya ng administrasyon.

Tumanggi naman si Trillanes na tukuyin kung anong mga bansa ang nag-alok ng asylum pero mula pawang Eurpean countries aniya ito.

Sinabi ni Trillanes na wala siyang planong abandonahin ang laban kaya muli siyang bumalik sa bansa kahapon galing sa Estados Unidos.

Mayroong 20 kaso na kinakaharap si Trillanes, aniya 15 dito ay isinampa sa ilalim ng administrasyong Duterte.