41 volcanic earthquakes naitala sa Bulkang Taal sa nakalipas na magdamag

Sa nakalipas na 24 na oras ay may naitalang 41 mahihinang volcanic earthquakes sa Bulkang Taal.

Sa 8AM Taal Volcano Bulletin ng Phivolcs, nagkaroon din ng mahihinang pagbubuga ng steam-laden plumes mula sa crater ng bulkan na ang taas ay 50 hanggang 100 meters.

Masyado namang mababa ang ang ibinugang Sulfur dioxide (SO2) ng Taal kaya hindi na ito nasukat ng instrumento ng Phivolcs.

Nasa Alert Level 2 pa rin ang Taal Volcano at ayon sa Phivolcs, maari pa ring magkaroon ng biglaang steam-driven o phreatic explosions, volcanic earthquakes, at ashfall.

Bawal pa rin ang pagpasok sa Taal Volcano Island (TVI) at mga baybayin nito.