Total revamp ipinatupad ng BI sa lahat ng tauhan sa paliparan

Nagpatupad na ng revamp ang Bureau of Immigration (BI) sa lahat ng tauhan nito sa mga paliparan sa bansa.

Ito ay kasunod ng pagkakabulgar ng “pastillas scheme” sa isinagawang pagdinig sa Senado.

Ayon kay BI Commissioner Jamie Morente, naapektuhan ng total revamp ang lahat ng airport personnel ng BI, lahat ng terminal heads, at mga Travel Control and Enforcement Unit head.

Kasabay nito tniyak ni Morente na gagawin ng BI ang karampatang aksyon para mapanagot ang mga tauhan nilang sangkot sa anomalya.

Siniguro ni Morente na mapapatawan ng parusa ang lahat ng mapatutunayang sangkot sa korapsyon.