25 babae kabilang ang 1 menor de edad nailigtas sa limang resto bar sa Valenzuela

Nailigtas ng mga otoridad ang 25 babae kabilang ang isang menor de edad sa magkakahiwalay na operasyon na ikinasa sa limang resto bar sa Valenzuela City.

Ang mga babae ay pinagtatrabaho bilang mga Guest Relation Officers (GROs) sa bar.

Ayon kay Police Cat. Marissa Arellano ng Women and Children Protection ng Valenzuela PNP, naaresto naman ang apat na pawang floor managers sa mga sinalakay na bar.

Isinagawa ang pagsalakay sa mga Barangay Dalandanan, Malanday, Karuhatan, Paso De Blas, at Malinta.

Natuklasan na pawang walang health permit ang mga nailigtas na babae maging ang mga naarestong floor managers.