Nakakaapekto ang Easterlies sa malaking bahagi ng bansa.
Sa weather update bandang 4:00 ng hapon, sinabi ni PAGASA weather specialist Aldczar Aurelio na nagdadala ito ng mainit na hangin mula sa Pacific Ocean dahilan kung kaya mainit na panahon ang nararanasan sa bansa.
Dalawang araw aniyang hindi nakaapekto ang Northeast Monsoon o Amihan sa bansa.
Tanging sa bahagi lamang aniya ng Northern Luzon umiiral ngayon sa Amihan.
Ani Aurelio, asahang lalakas pa ang Amihan at maaaring maapektuhan nito ang buong bansa.
Posible aniyang makaranas ng mahihinang pag-ulan sa Cagayan Valley, Ilocos Region at Cordillera.
Magiging maaliwalas aniya ang lagay ng panahon sa bansa kabilang ang Metro Manila maliban sa posibleng localized thunderstorm sa ilang bahagi ng bansa.
Wala naman aniyang natututukang weather disturbance sa loob ng Philippine Area of Responsibility (PAR).