Bilang ng apektado ng COVID-19 sa cruise ship na nakadaong sa Japan, nasa 355 na

Umakyat na sa 355 katao ang bilang ng mga naapektuhan ng Coronavirus Disease 2019 o COVID-19 na nasa quarantined ship sa Japan.

Ibig sabihin, nadagdagan pa ito ng 70 katao.

Ayon kay Japan health minister Katsunobu Kato, sa naturang bilang, 73 ang hindi nagpapakita ng sintomas.

Aabot na aniya sa 1,219 na sakay ng barko ang sumailalim sa pagsusuri.