Laban ng Gilas sa Thailand para sa Asia Cup qualifiers kinansela ng FIBA

Kinansela ng FIBA ang tatlong laro para sa Asia cup qualifiers.

Kabilang sa nakansela ang laban ng Gilas Pilipinas sa Thailand na dapat ay magaganap sa February 20.

Kanselado na rin ang laban ng Japan at China sa February 21 at ang laban ng China at Malaysia sa February 24.

Nakasaad sa pahayag ng FIBA Asia na ang pagkansela ay dahil sa banta ng coronavirus disease o COVID-19.

Ang laban ng Pilipinas at Thailand ay magaganap dapat sa Smart-Araneta Coliseum.

Wala pa namang desisyon ang FIBA Asia kung kakanselahin din ang laban ng Pilipinas sa Indonesia sa February 23 na magaganap sa Jakarta.