Biyahe ng mga tren ng LRT-1 extended ngayong Valentine’s Day

Pinalawig ng LRT line 1 ang biyahe ng mga tren nito ngayong araw, Valentine’s Day.

Ito ay para maserbisyuhan ang mga gagabihin sa pag-uwi ngayong araw.

Ayon sa LRT-1 ang last train nila mula Baclaran ngayong araw ay alas 11:00 ng gabi, mas mahabang isang oras kaysa sa alas 10:00 ng gabi sa normal na mga araw.

Ang last train naman mula Roosevelt ay alas 11:15 ng gabi kumpara sa alas 10:15 ng gabi kapag normal na araw.

Paalala ng LRT-1 bukas, Feb. 15 ay balik na muli sa normal na schedule ang biyahe ng kanilang mga tren.