Magkasintahan huli sa ilegal na droga sa QC

Sa kulungan ang Valentine’s date ng magkasintahan sa Quezon City matapos maaaresto ng mga otoridad dahil sa ilegal na droga.

Sinalakay ng mga tauhan ng Quezon City Police District (QCPD) ang isang bahay sa bahagi ng Rose Street kanto ng Ilang-ilang sa Payatas.

Nakuhanan ang magkasintahan ng 13 gramo ng shabu.

Umamin naman ang lalaking suspek na ipinabebenta lamang sa kaniya ang ilegal na droga.

Napilitan lamang umano silang gawin ito para may maipangbili ng pangkain sa araw-araw.

Kapwa nakakulong ang magkasintahan sa Batasan Police Station.